BARCELONA WAHAMISHIA MAWINDO KWA DAVID LUIZ, WAHAHA KUSAKA MRITHI WA PUYOL!!

Kufuatia kuwa na safu ya ulinzi  inayovuja kwa sasa, miamba ya soka nchini Hispania na Dunia nzima ambayo inamiliki mchezaji bora wa FIFA mara nne mfululizo, Lionel Andrew Jorge Messi, nawazungumzia wazee wa Katalunya, FC Barcelona, wametuma ofa ya pauni milioni 30 kwa klabu ya Chelsea ili kumsajili beki raia wa Brazil, David Luiz, lakini inasemekana miamba ya darajani itapotezea dau hilo.

Barca ambao beki yao inayumba sana kwa sasa wanajiandaa kumsajili mlinzi bora wa kati ambaye atadumu kwa muda mrefu na kumrithi mkongwe na nahodha wao CarlesPuyol ambaye soka linafikia ukiongoni kutokana na kuwa na mvua za kutosha.

Vyanzo vya habari vinaeleza kuwa Luiz kubaki Chelsea ni asilimia hamsini kwa hamsini, lakini alikuwa mhimili mkubwa katika kikosi hicho tangu ajiunge nacho mwaka 2011 akitokea Benfica.

Dau lake lipo juu: David Luiz  ni miongoni mwa mabeki wazuri ligi kuu soka nchini England

 Luiz naweza kucheza na Gerard Pique pamoja na Mbrazil mwenzake, Neymar katika dimba la Camp Nou

Licha ya kucheza na Pique au Puyol moja ya mabeki imara, Luiz atacheza na Mbrazili mwingine Dani Alves

Msimu uliopita, Barca walihangaika sana baada ya Puyol kukaa nje ya uwanja, na kulazimika kuwachezesha viongo Javier Mascherano au Alex Song kucheza nafasi yake, na ndio maana wanahitaji beki mzuri wa kati.