Babu Tale aeleza ujumbe waliotumiwa na Promota wa Ujerumani kuhusu Diamond na walichoamua baada ya Vurugu

Kufuatia tukio la vurugu kubwa zilizotokea wakati wa show ya Diamond Platinum huko Stuttgart, Ujerumani, promota wa kampuni ya Britts event ameutumia ujumbe uongozi wa Diamond.

Akiongea na The Jump Off ya 100.5 Times Fm, Babu Tale ameeleza kuwa promota huyo amewatumia barua pepe kuwaomba radhi na wao wamemuelewa na kumsamehe.

 

“Promota ametupigia simu kuapologize ametuma na email, sisi kama binadamu tumemuelewa na tumemsamehe.” Amesema Babu Tale. 

 

Akieleza jinsi alivyolichukulia tatizo hilo, amesema kuwa yeye anaona kama sio hasara na analichukulia kama sehemu ya exposure. 

 

“Matatizo ni sehemu ya maisha ya binadamu. Kwa hiyo ukichukulia matatizo kama hasara utakuja kujuta bure. Unachukua kama xposure, unajifunza. Mwisho wa siku sisi tulikuwa tumelipwa hela yetu yote ya kazi na kila kitu. Athari kubwa aliipata yeye kwa sababu watu walikuja, ukumbi unamdai na nini. Na sisi kama binadamu tumeishia tu kumuonea huruma na kusema aaah ngoja turudi kwetu.” Babu Tale ameiambia The Jump Off. 

 

Akizungumzia ahadi ya kampuni ya Britts kumrudisha tena Diamond Ujerumani na kufanya show itayoshuhudiwa na mashabiki bure, Babu Tale wanasubiri kutoka kwa promota huyo na kwamba watakapopata uhakika wataeleza.